ŚRĪ GAṆĀDHIPA PAÑCARATNA STOTRAM - Introduction

ŚRĪ GAṆĀDHIPA PAÑCARATNA STOTRAM - Introduction

இந்த கணாதிப ஸ்தோத்ரம், தக்ஷிணாம்னாய சிருங்கேரி சாரதா பீடம், 33வது குரு ஶ்ரீ ஸச்சிதானந்த சிவாபிநவ ந்ருஸிம்ஹ பாரதி ஸ்வாமிகளால் , ஶ்ரீ ஆதிசங்கரரின் மஹாகணேச பஞ்சரத்ந ஸ்தோத்ரத்தை ஒத்து, சிருங்கேரியில் நடந்த மஹாகணபதி வாக்யார்த்த ஸபையில் கடவுள் வாழ்த்தாக பாடுவதற்காக இயற்றப்பட்டது.

The following Gaṇādhipa​-pañcaratna was written by the 33rd Jagadguru of the Dakshinamnaya Sringeri Sharada Peetham, Sri Sacchidananda Shivabhinava Nrisimha Bharati Mahaswami , in imitation of Sri Adi Shankara’s famous Gaṇeśa-pañcaratna to be read as a prayer before the Mahāgaṇapati Vakyārtha Sabha commenced at Sringeri.

॥ श्री गणाधिप पञ्चरत्न स्तोत्रम् ॥

सरागिलोकदुर्लभं विरागिलोकपूजितं
सुरासुरैर्नमस्कृतं जरापमृत्युनाशकम् ।
गिरा गुरुं श्रिया हरिं जयन्ति यत्पदार्चकाः
नमामि तं गणाधिपं कृपापयः पयोनिधिम् ॥ १॥

गिरीन्द्रजामुखाम्बुज प्रमोददान भास्करं
करीन्द्रवक्त्रमानताघसङ्घवारणोद्यतम् ।
सरीसृपेश बद्धकुक्षिमाश्रयामि सन्ततं
शरीरकान्ति निर्जिताब्जबन्धुबालसन्ततिम् ॥ २॥

शुकादिमौनिवन्दितं गकारवाच्यमक्षरं
प्रकाममिष्टदायिनं सकामनम्रपङ्क्तये ।
चकासतं चतुर्भुजैः विकासिपद्मपूजितं
प्रकाशितात्मतत्वकं नमाम्यहं गणाधिपम् ॥ ३॥

नराधिपत्वदायकं स्वरादिलोकनायकं
ज्वरादिरोगवारकं निराकृतासुरव्रजम् ।
कराम्बुजोल्लसत्सृणिं विकारशून्यमानसैः
हृदासदाविभावितं मुदा नमामि विघ्नपम् ॥ ४॥

श्रमापनोदनक्षमं समाहितान्तरात्मनां
सुमादिभिः सदार्चितं क्षमानिधिं गणाधिपम् ।
रमाधवादिपूजितं यमान्तकात्मसम्भवं
शमादिषड्गुणप्रदं नमामि तं विभूतये ॥ ५॥

गणाधिपस्य पञ्चकं नृणामभीष्टदायकं
प्रणामपूर्वकं जनाः पठन्ति ये मुदायुताः ।
भवन्ति ते विदां पुरः प्रगीतवैभवाजवात्
चिरायुषोऽधिकः श्रियस्सुसूनवो न संशयः ॥ ॐ ॥

॥ इति दक्षिणाम्नाय श्रिङ्गेरी श्रीशारदापीठाधिपति
शङ्कराचार्य जगद्गुरुवर्यो श्री सच्चिदानन्द
शिवाभिनव नृसिंहभारती महास्वामिभिः विरचितम्
श्री गणाधिप पञ्चरत्न स्तोत्रम् सम्पूर्णम् ॥

॥ ஶ்ரீ க³ணாதி⁴ப பஞ்சரத்ந ஸ்தோத்ரம் ॥

ஸராகி³லோகது³ர்லப⁴ம் விராகி³லோகபூஜிதம்
ஸுராஸுரைர்நமஸ்க்ருʼதம் ஜராபம்ருʼத்யுநாஶகம் ।
கி³ரா கு³ரும் ஶ்ரியா ஹரிம் ஜயந்தி யத்பதா³ர்சகா:
நமாமி தம் க³ணாதி⁴பம் க்ருʼபாபய: பயோநிதி⁴ம் ॥ 1॥

கி³ரீந்த்³ரஜாமுகா²ம்பு³ஜ ப்ரமோத³தா³ந பா⁴ஸ்கரம்
கரீந்த்³ரவக்த்ரமாநதாக⁴ஸங்க⁴வாரணோத்³யதம் ।
ஸரீஸ்ருʼபேஶ ப³த்³த⁴குக்ஷிமாஶ்ரயாமி ஸந்ததம்
ஶரீரகாந்தி நிர்ஜிதாப்³ஜப³ந்து⁴பா³லஸந்ததிம் ॥ 2॥

ஶுகாதி³மௌநிவந்தி³தம் க³காரவாச்யமக்ஷரம்
ப்ரகாமமிஷ்டதா³யிநம் ஸகாமநம்ரபங்க்தயே ।
சகாஸதம் சதுர்பு⁴ஜை: விகாஸிபத்³மபூஜிதம்
ப்ரகாஶிதாத்மதத்வகம் நமாம்யஹம் க³ணாதி⁴பம் ॥ 3॥

நராதி⁴பத்வதா³யகம் ஸ்வராதி³லோகநாயகம்
ஜ்வராதி³ரோக³வாரகம் நிராக்ருʼதாஸுரவ்ரஜம் ।
கராம்பு³ஜோல்லஸத்ஸ்ருʼணிம் விகாரஶூந்யமாநஸை:
ஹ்ருʼதா³ஸதா³விபா⁴விதம் முதா³ நமாமி விக்⁴நபம் ॥ 4॥

ஶ்ரமாபநோத³நக்ஷமம் ஸமாஹிதாந்தராத்மநாம்
ஸுமாதி³பி:⁴ ஸதா³ர்சிதம் க்ஷமாநிதி⁴ம் க³ணாதி⁴பம் ।
ரமாத⁴வாதி³பூஜிதம் யமாந்தகாத்மஸம்ப⁴வம்
ஶமாதி³ஷட்³கு³ணப்ரத³ம் நமாமி தம் விபூ⁴தயே ॥ 5॥

க³ணாதி⁴பஸ்ய பஞ்சகம் ந்ருʼணாமபீ⁴ஷ்டதா³யகம்
ப்ரணாமபூர்வகம் ஜநா: பட²ந்தி யே முதா³யுதா: ।
ப⁴வந்தி தே விதா³ம் புர: ப்ரகீ³தவைப⁴வாஜவாத்
சிராயுஷோঽதி⁴க: ஶ்ரியஸ்ஸுஸூநவோ ந ஸம்ஶய: ॥ ௐ ॥

॥ இதி த³க்ஷிணாம்நாய ஶ்ரிங்கே³ரீ ஶ்ரீஶாரதா³பீடா²தி⁴பதி
ஶங்கராசார்ய ஜக³த்³கு³ருவர்யோ ஶ்ரீ ஸச்சிதா³நந்த³
ஶிவாபி⁴நவ ந்ருʼஸிம்ஹபா⁴ரதீ மஹாஸ்வாமிபி:⁴ விரசிதம்
ஶ்ரீ க³ணாதி⁴ப பஞ்சரத்ந ஸ்தோத்ரம் ஸம்பூர்ணம் ॥

॥ ŚRĪ GAṆĀDHIPA PAÑCARATNA STOTRAM ॥

sarāgilokadurlabhaṃ virāgilokapūjitaṃ
surāsurairnamaskṛtaṃ jarāpamṛtyunāśakam ।
girā guruṃ śriyā hariṃ jayanti yatpadārcakāḥ
namāmi taṃ gaṇādhipaṃ kṛpāpayaḥ payonidhim ॥ 1॥

girīndrajāmukhāmbuja pramodadāna bhāskaraṃ
karīndravaktramānatāghasaṅghavāraṇodyatam ।
sarīsṛpeśa baddhakukṣimāśrayāmi santataṃ
śarīrakānti nirjitābjabandhubālasantatim ॥ 2॥

śukādimaunivanditaṃ gakāravācyamakṣaraṃ
prakāmamiṣṭadāyinaṃ sakāmanamrapaṅktaye ।
cakāsataṃ caturbhujaiḥ vikāsipadmapūjitaṃ
prakāśitātmatatvakaṃ namāmyahaṃ gaṇādhipam ॥ 3॥

narādhipatvadāyakaṃ svarādilokanāyakaṃ
jvarādirogavārakaṃ nirākṛtāsuravrajam ।
karāmbujollasatsṛṇiṃ vikāraśūnyamānasaiḥ
hṛdāsadāvibhāvitaṃ mudā namāmi vighnapam ॥ 4॥

śramāpanodanakṣamaṃ samāhitāntarātmanāṃ
sumādibhiḥ sadārcitaṃ kṣamānidhiṃ gaṇādhipam ।
ramādhavādipūjitaṃ yamāntakātmasambhavaṃ
śamādiṣaḍguṇapradaṃ namāmi taṃ vibhūtaye ॥ 5॥

gaṇādhipasya pañcakaṃ nṛṇāmabhīṣṭadāyakaṃ
praṇāmapūrvakaṃ janāḥ paṭhanti ye mudāyutāḥ ।
bhavanti te vidāṃ puraḥ pragītavaibhavājavāt
cirāyuṣo'dhikaḥ śriyassusūnavo na saṃśayaḥ ॥ Om̃ ॥

॥ iti dakṣiṇāmnāya śriṅgerī śrīśāradāpīṭhādhipati
śaṅkarācārya jagadguruvaryo śrī saccidānanda
śivābhinava nṛsiṃhabhāratī mahāsvāmibhiḥ viracitam
śrī gaṇādhipa pañcaratna stotram sampūrṇam ॥