இதை இயற்றியவர் யார் என்பது தெரியவில்லை. இதில் விநாயகருடைய பால லீலைகள் முதலான சில சேஷ்டிதங்கள் கூறப்படுகின்றன. இதை பக்தியுடன் கூறுபவர் தரித்திரத்திலிருந்து விடுபடுவர்.
॥ विनायक लीला स्तुतिः ॥
नमामि देवं सकलार्थदं तं सुवर्णवर्णं भुजगोपवीतम्।
गजाननं भास्करमेकदन्तं लम्बोदरं वारिभवासनं च ॥१॥
केयूरिणं हारकिरीटजुष्टं चतुर्भुजं पाशवराभयानि।
सृणिं वहन्तं गणपं त्रिनेत्रं सचामरस्त्रीयुगलेन युक्तम्॥२॥
षडाक्षरात्मानमनल्पभूशं मुनीश्वरैर्भार्गव पूर्वकैश्च।
संसेवितं देवमनाथकल्परूपं मनोज्ञं शरणं प्रपद्ये ॥३॥
वेदान्तवेद्यं जगतामधीशं देवादिवन्द्यं सुकृतैकगम्यम् ।
स्तंबेरमास्यं नवचन्द्रचूडं विनायकं तं शरणं प्रपद्ये ॥४॥
भवाख्यादावानलदह्यमानं भक्तं स्वकीयं परिषिञ्चते यः ।
गण्डस्रुताम्भोरनन्यतुल्यं वन्दे गणेशं च तमालनीलम् ॥५॥
शिवस्य मौलाववलोक्य चन्द्रं स्वशुण्डया मुग्धतया स्वकीयम् ।
भग्नं विषाणं परिभाव्य चित्ते आकृष्ट चन्द्रो गनपोवतान्नः ॥६॥
पितुर्जटाजूटतटे विलोक्य भागीरथीं तत्र कुतूहलेन ।
विहर्तुकामः स महीन्द्रपुत्र्या निवारितः पातु सदा गजास्यः ॥७॥
लम्बोदरो देवकुमारसिद्धैः क्रीडन् कुमारं जितवान्निजेन ।
करेण चोत्तोल्य ननर्त रम्यं दन्तावलास्यो भयतः स पायात् ॥८॥
आगत्य चोच्चैः हरिनाभिपद्मं ददर्श तत्राशु करेण तच्च ।
उद्धर्तुमिच्छन् विधिचाटुवाक्यं श्रुत्वा मुमोचावतु नो गणेशः ॥९॥
निरन्तरं सम्स्कृतदानपट्टे लग्नां तु गुञ्जद्भ्रमरावलिं वै ।
तां श्रोत्रतालैरपसारयन्तं भजे गजास्यं निजहृत् सरोजे ॥१०॥
विश्वेशमौलिस्थितजह्नुकन्याजलं गृहीत्वा निजपुष्करेण ।
हरं सलीलं पितरं स्वकीयं प्रपूजयन् हस्तिमुखः स पायात् ॥११॥
स्तंबेरमास्यं घुसृणाङ्गरागं सिन्दूरपूरारुण कान्तकुम्भम् ।
कुचन्दनालिप्तकरं गणेशं ध्यायामि चित्ते सकलेष्टदं तम् ॥१२॥
स भीष्ममातुर्निजपुष्करेण जलं समादाय कुचौ स्वमातुः ।
प्रक्षालयामास षडास्यपीतौ स्वार्थं मुदेऽसौ कलभाननोऽस्तु ॥१३॥
तं वामनाङ्गं शिशुभावमाप्तं केनापि सत्कारणतो धरित्र्याम् ।
वक्तारमाद्यं निगमादिकानां लोकैकवन्द्यं प्रणमामि विघ्नम् ॥१४॥
आलिङ्गितं चारुरुचा मृगाक्ष्या संभोगलोलं मदविह्वलाङ्गम् ।
विघ्नौघविध्वंसनसक्तमेकं नमामि कान्तद्विरदाननं तम् ॥१५॥
हेरम्ब उद्यद्रविकोटिकान्तः पञ्चाननेनाप्यवलंबितांसः ।
मुनीन् सुरान् भक्तजनांश्च सर्वान् स पातु रथ्यासु सदा गजास्यः ॥१६॥
द्वैपायनोक्तं सुविचार्य येन स्वदन्तकोट्या निखिलं लिखित्वा ।
दत्तं पुराणं सुतमिन्दुमौलेः तमग्र्यरूपम मनसा स्मरामि ॥१७॥
क्रीडाप्रवृत्ते जलधाविभास्ये वेलाजलेऽथाम्बुपतिः प्रभीतः ।
विचिन्त्य कस्येति सुरास्तदा तं विश्वेश्वरं वाग्भिरभिष्टुवन्ति ॥१८॥
वाचां निमित्तं ह्यनिमित्तमाद्यं पदं त्रिलोक्यां निखिलस्तुतीनाम् ।
सर्वैश्च वन्द्यो न च तस्य वन्द्यः स्थाणोः परं रूपमसौ स पायात् ॥१९॥
इमां स्तुतिं यः पठतीह भक्त्या समाहितप्रीतिरतीव शुद्धः ।
संसेव्यते चेन्दिरया नितान्तं दारिद्र्यसङ्घं स विदारयेन्नः ॥२०॥
|| வினாயக லீலா ஸ்துதி: ||
நமாமி தே³வம்ʼ ஸகலார்த²த³ம்ʼ தம்ʼ ஸுவர்ணவர்ணம்ʼ பு⁴ஜகோ³பவீதம்|
க³ஜானனம்ʼ பா⁴ஸ்கரமேகத³ந்தம்ʼ லம்போ³த³ரம்ʼ வாரிப⁴வாஸனம்ʼ ச || 1||
கேயூரிணம்ʼ ஹாரகிரீடஜுஷ்டம்ʼ சதுர்பு⁴ஜம்ʼ பாஶவராப⁴யானி|
ஸ்ருʼணிம்ʼ வஹந்தம்ʼ க³ணபம்ʼ த்ரினேத்ரம்ʼ ஸசாமரஸ்த்ரீயுக³லேன யுக்தம்|| 2||
ஷடா³க்ஷராத்மானமனல்பபூ⁴ஶம்ʼ முனீஶ்வரைர்பா⁴ர்க³வ பூர்வகைஶ்ச|
ஸம்ʼஸேவிதம்ʼ தே³வமனாத²கல்பரூபம்ʼ மனோஜ்ஞம்ʼ ஶரணம்ʼ ப்ரபத்³யே || 3||
வேதா³ந்தவேத்³யம்ʼ ஜக³தாமதீ⁴ஶம்ʼ தே³வாதி³வந்த்³யம்ʼ ஸுக்ருʼதைகக³ம்யம் |
ஸ்தம்பே³ரமாஸ்யம்ʼ நவசந்த்³ரசூட³ம்ʼ வினாயகம்ʼ தம்ʼ ஶரணம்ʼ ப்ரபத்³யே || 4||
ப⁴வாக்²யாதா³வானலத³ஹ்யமானம்ʼ ப⁴க்தம்ʼ ஸ்வகீயம்ʼ பரிஷிஞ்சதே ய: |
க³ண்ட³ஸ்ருதாம்போ⁴ரனன்யதுல்யம்ʼ வந்தே³ க³ணேஶம்ʼ ச தமாலனீலம் || 5||
ஶிவஸ்ய மௌலாவவலோக்ய சந்த்³ரம்ʼ ஸ்வஶுண்ட³யா முக்³த⁴தயா ஸ்வகீயம் |
ப⁴க்³னம்ʼ விஷாணம்ʼ பரிபா⁴வ்ய சித்தே ஆக்ருʼஷ்ட சந்த்³ரோ க³னபோவதான்ன: || 6||
பிதுர்ஜடாஜூடதடே விலோக்ய பா⁴கீ³ரதீ²ம்ʼ தத்ர குதூஹலேன |
விஹர்துகாம: ஸ மஹீந்த்³ரபுத்ர்யா நிவாரித: பாது ஸதா³ க³ஜாஸ்ய: || 7||
லம்போ³த³ரோ தே³வகுமாரஸித்³தை⁴: க்ரீட³ன் குமாரம்ʼ ஜிதவான்னிஜேன |
கரேண சோத்தோல்ய நனர்த ரம்யம்ʼ த³ந்தாவலாஸ்யோ ப⁴யத: ஸ பாயாத் || 8||
ஆக³த்ய சோச்சை: ஹரினாபி⁴பத்³மம்ʼ த³த³ர்ஶ தத்ராஶு கரேண தச்ச |
உத்³த⁴ர்துமிச்ச²ன் விதி⁴சாடுவாக்யம்ʼ ஶ்ருத்வா முமோசாவது நோ க³ணேஶ: || 9||
நிரந்தரம்ʼ ஸம்ஸ்க்ருʼததா³னபட்டே லக்³னாம்ʼ து கு³ஞ்ஜத்³ப்⁴ரமராவலிம்ʼ வை |
தாம்ʼ ஶ்ரோத்ரதாலைரபஸாரயந்தம்ʼ ப⁴ஜே க³ஜாஸ்யம்ʼ நிஜஹ்ருʼத் ஸரோஜே || 10||
விஶ்வேஶமௌலிஸ்தி²தஜஹ்னுகன்யாஜலம்ʼ க்³ருʼஹீத்வா நிஜபுஷ்கரேண |
ஹரம்ʼ ஸலீலம்ʼ பிதரம்ʼ ஸ்வகீயம்ʼ ப்ரபூஜயன் ஹஸ்திமுக²: ஸ பாயாத் || 11||
ஸ்தம்பே³ரமாஸ்யம்ʼ கு⁴ஸ்ருʼணாங்க³ராக³ம்ʼ ஸிந்தூ³ரபூராருண காந்தகும்ப⁴ம் |
குசந்த³னாலிப்தகரம்ʼ க³ணேஶம்ʼ த்⁴யாயாமி சித்தே ஸகலேஷ்டத³ம்ʼ தம் || 12||
ஸ பீ⁴ஷ்மமாதுர்னிஜபுஷ்கரேண ஜலம்ʼ ஸமாதா³ய குசௌ ஸ்வமாது: |
ப்ரக்ஷாலயாமாஸ ஷடா³ஸ்யபீதௌ ஸ்வார்த²ம்ʼ முதே³(அ)ஸௌ கலபா⁴னனோ(அ)ஸ்து || 13||
தம்ʼ வாமனாங்க³ம்ʼ ஶிஶுபா⁴வமாப்தம்ʼ கேனாபி ஸத்காரணதோ த⁴ரித்ர்யாம் |
வக்தாரமாத்³யம்ʼ நிக³மாதி³கானாம்ʼ லோகைகவந்த்³யம்ʼ ப்ரணமாமி விக்⁴னம் || 14||
ஆலிங்கி³தம்ʼ சாருருசா ம்ருʼகா³க்ஷ்யா ஸம்போ⁴க³லோலம்ʼ மத³விஹ்வலாங்க³ம் |
விக்⁴னௌக⁴வித்⁴வம்ʼஸனஸக்தமேகம்ʼ நமாமி காந்தத்³விரதா³னனம்ʼ தம் || 15||
ஹேரம்ப³ உத்³யத்³ரவிகோடிகாந்த: பஞ்சானனேனாப்யவலம்பி³தாம்ʼஸ: |
முனீன் ஸுரான் ப⁴க்தஜனாம்ʼஶ்ச ஸர்வான் ஸ பாது ரத்²யாஸு ஸதா³ க³ஜாஸ்ய: || 16||
த்³வைபாயனோக்தம்ʼ ஸுவிசார்ய யேன ஸ்வத³ந்தகோட்யா நிகி²லம்ʼ லிகி²த்வா |
த³த்தம்ʼ புராணம்ʼ ஸுதமிந்து³மௌலே: தமக்³ர்யரூபம மனஸா ஸ்மராமி || 17||
க்ரீடா³ப்ரவ்ருʼத்தே ஜலதா⁴விபா⁴ஸ்யே வேலாஜலே(அ)தா²ம்பு³பதி: ப்ரபீ⁴த: |
விசிந்த்ய கஸ்யேதி ஸுராஸ்ததா³ தம்ʼ விஶ்வேஶ்வரம்ʼ வாக்³பி⁴ரபி⁴ஷ்டுவந்தி || 18||
வாசாம்ʼ நிமித்தம்ʼ ஹ்யனிமித்தமாத்³யம்ʼ பத³ம்ʼ த்ரிலோக்யாம்ʼ நிகி²லஸ்துதீனாம் |
ஸர்வைஶ்ச வந்த்³யோ ந ச தஸ்ய வந்த்³ய: ஸ்தா²ணோ: பரம்ʼ ரூபமஸௌ ஸ பாயாத் || 19||
இமாம்ʼ ஸ்துதிம்ʼ ய: பட²தீஹ ப⁴க்த்யா ஸமாஹிதப்ரீதிரதீவ ஶுத்³த⁴: |
ஸம்ʼஸேவ்யதே சேந்தி³ரயா நிதாந்தம்ʼ தா³ரித்³ர்யஸங்க⁴ம்ʼ ஸ விதா³ரயேன்ன: || 20||
॥ VINĀYAKA LĪLĀ STUTIḤ ॥
namāmi devaṃ sakalārthadaṃ taṃ suvarṇavarṇaṃ bhujagopavītam।
gajānanaṃ bhāskaramekadantaṃ lambodaraṃ vāribhavāsanaṃ ca ॥1॥
keyūriṇaṃ hārakirīṭajuṣṭaṃ caturbhujaṃ pāśavarābhayāni।
sṛṇiṃ vahantaṃ gaṇapaṃ trinetraṃ sacāmarastrīyugalena yuktam॥2॥
ṣaḍākṣarātmānamanalpabhūśaṃ munīśvarairbhārgava pūrvakaiśca।
saṃsevitaṃ devamanāthakalparūpaṃ manojñaṃ śaraṇaṃ prapadye ॥3॥
vedāntavedyaṃ jagatāmadhīśaṃ devādivandyaṃ sukṛtaikagamyam ।
staṃberamāsyaṃ navacandracūḍaṃ vināyakaṃ taṃ śaraṇaṃ prapadye ॥4॥
bhavākhyādāvānaladahyamānaṃ bhaktaṃ svakīyaṃ pariṣiñcate yaḥ ।
gaṇḍasrutāmbhorananyatulyaṃ vande gaṇeśaṃ ca tamālanīlam ॥5॥
śivasya maulāvavalokya candraṃ svaśuṇḍayā mugdhatayā svakīyam ।
bhagnaṃ viṣāṇaṃ paribhāvya citte ākṛṣṭa candro ganapovatānnaḥ ॥6॥
piturjaṭājūṭataṭe vilokya bhāgīrathīṃ tatra kutūhalena ।
vihartukāmaḥ sa mahīndraputryā nivāritaḥ pātu sadā gajāsyaḥ ॥7॥
lambodaro devakumārasiddhaiḥ krīḍan kumāraṃ jitavānnijena ।
kareṇa cottolya nanarta ramyaṃ dantāvalāsyo bhayataḥ sa pāyāt ॥8॥
āgatya coccaiḥ harinābhipadmaṃ dadarśa tatrāśu kareṇa tacca ।
uddhartumicchan vidhicāṭuvākyaṃ śrutvā mumocāvatu no gaṇeśaḥ ॥9॥
nirantaraṃ samskṛtadānapaṭṭe lagnāṃ tu guñjadbhramarāvaliṃ vai ।
tāṃ śrotratālairapasārayantaṃ bhaje gajāsyaṃ nijahṛt saroje ॥10॥
viśveśamaulisthitajahnukanyājalaṃ gṛhītvā nijapuṣkareṇa ।
haraṃ salīlaṃ pitaraṃ svakīyaṃ prapūjayan hastimukhaḥ sa pāyāt ॥11॥
staṃberamāsyaṃ ghusṛṇāṅgarāgaṃ sindūrapūrāruṇa kāntakumbham ।
kucandanāliptakaraṃ gaṇeśaṃ dhyāyāmi citte sakaleṣṭadaṃ tam ॥12॥
sa bhīṣmamāturnijapuṣkareṇa jalaṃ samādāya kucau svamātuḥ ।
prakṣālayāmāsa ṣaḍāsyapītau svārthaṃ mude'sau kalabhānano'stu ॥13॥
taṃ vāmanāṅgaṃ śiśubhāvamāptaṃ kenāpi satkāraṇato dharitryām ।
vaktāramādyaṃ nigamādikānāṃ lokaikavandyaṃ praṇamāmi vighnam ॥14॥
āliṅgitaṃ cārurucā mṛgākṣyā saṃbhogalolaṃ madavihvalāṅgam ।
vighnaughavidhvaṃsanasaktamekaṃ namāmi kāntadviradānanaṃ tam ॥15॥
heramba udyadravikoṭikāntaḥ pañcānanenāpyavalaṃbitāṃsaḥ ।
munīn surān bhaktajanāṃśca sarvān sa pātu rathyāsu sadā gajāsyaḥ ॥16॥
dvaipāyanoktaṃ suvicārya yena svadantakoṭyā nikhilaṃ likhitvā ।
dattaṃ purāṇaṃ sutamindumauleḥ tamagryarūpama manasā smarāmi ॥17॥
krīḍāpravṛtte jaladhāvibhāsye velājale'thāmbupatiḥ prabhītaḥ ।
vicintya kasyeti surāstadā taṃ viśveśvaraṃ vāgbhirabhiṣṭuvanti ॥18॥
vācāṃ nimittaṃ hyanimittamādyaṃ padaṃ trilokyāṃ nikhilastutīnām ।
sarvaiśca vandyo na ca tasya vandyaḥ sthāṇoḥ paraṃ rūpamasau sa pāyāt ॥19॥
imāṃ stutiṃ yaḥ paṭhatīha bhaktyā samāhitaprītiratīva śuddhaḥ ।
saṃsevyate cendirayā nitāntaṃ dāridryasaṅghaṃ sa vidārayennaḥ ॥20॥
