Sri Rudraashtakam - Introduction

Sri Rudraashtakam - Introduction

ஸ்ரீராமரது சரிதம் ஹிந்தியில் ‌"ராமசரிதமானஸ்" என்ற பெயரில் துளசிதாசர் என்பவரால் இயற்றப்பட்டுள்ளது.
இந்நூலின் உத்தரகாண்டத்தில், ருத்ராஷ்டகம் என்னும் இந்த சிவ ஸ்தோத்திரம்  இடம்பெற்றுள்ளது.

॥ श्री रुद्राष्टकम‌् ॥

नमामीशमीशान निर्वाणरूपं विभुं व्यापकं ब्रह्मवेदस्वरूपम् ।
निजं निर्गुणं निर्विकल्पं निरीहं चिदाकाशमाकाशवासं भजेऽहम् ॥ १॥

निराकारमोंकारमूलं तुरीयं गिरा ज्ञान गोतीतमीशं गिरीशम् ।
करालं महाकाल कालं कृपालं गुणागार संसारपारं नतोऽहम् ॥ २॥

तुषाराद्रि संकाश गौरं गभीरं मनोभूत कोटिप्रभा श्री शरीरम् ।
स्फुरन्मौलि कल्लोलिनी चारु गङ्गा लसद्भालबालेन्दु कण्ठे भुजङ्गा ॥ ३॥

चलत्कुण्डलं भ्रू सुनेत्रं विशालं प्रसन्नाननं नीलकण्ठं दयालम् ।
मृगाधीशचर्माम्बरं मुण्डमालं प्रियं शंकरं सर्वनाथं भजामि ॥ ४॥

प्रचण्डं प्रकृष्टं प्रगल्भं परेशं अखण्डं अजं भानुकोटिप्रकाशम् ।
त्रयः शूल निर्मूलनं शूलपाणिं भजेऽहं भवानीपतिं भावगम्यम् ॥ ५॥

कलातीत कल्याण कल्पान्तकारी सदा सज्जनानन्ददाता पुरारी ।
चिदानन्द संदोह मोहापहारी प्रसीद प्रसीद प्रभो मन्मथारी ॥ ६॥

न यावद् उमानाथपादारविन्दं भजन्तीह लोके परे वा नराणाम् ।
न तावत्सुखं शान्ति सन्तापनाशं प्रसीद प्रभो सर्वभूताधिवासम् ॥ ७॥

न जानामि योगं जपं नैव पूजां नतोऽहं सदा सर्वदा शम्भु तुभ्यम् ।
जरा जन्म दुःखौघ तातप्यमानं प्रभो पाहि आपन्नमामीश शम्भो ॥ ८॥

रुद्राष्टकमिदं प्रोक्तं विप्रेण हरतोषये ।
ये पठन्ति नरा भक्त्या तेषां शम्भुः प्रसीदति ॥

॥  इति श्रीगोस्वामितुलसीदासकृतं श्रीरुद्राष्टकं सम्पूर्णम् ॥

|| ஶ்ரீ ருத்³ராஷ்டகம் ||

நமாமீஶமீஶாந நிர்வாணரூபம் விபு⁴ம் வ்யாபகம் ப்³ரஹ்மவேத³ஸ்வரூபம் ।
நிஜம் நிர்கு³ணம் நிர்விகல்பம் நிரீஹம் சிதா³காஶமாகாஶவாஸம் ப⁴ஜேঽஹம் ॥ 1॥

நிராகாரமோங்காரமூலம் துரீயம் கி³ரா ஜ்ஞாந கோ³தீதமீஶம் கி³ரீஶம் ।
கராலம் மஹாகால காலம் க்ருʼபாலம் கு³ணாகா³ர ஸம்ஸாரபாரம் நதோঽஹம் ॥ 2॥

துஷாராத்³ரி ஸங்காஶ கௌ³ரம் க³பீ⁴ரம் மநோபூ⁴த கோடிப்ரபா⁴ ஶ்ரீ ஶரீரம் ।
ஸ்பு²ரந்மௌலி கல்லோலிநீ சாரு க³ங்கா³ லஸத்³பா⁴லபா³லேந்து³ கண்டே² பு⁴ஜங்கா³ ॥ 3॥

சலத்குண்ட³லம் ப்⁴ரூ ஸுநேத்ரம் விஶாலம் ப்ரஸந்நாநநம் நீலகண்ட²ம் த³யாலம் ।
ம்ருʼகா³தீ⁴ஶசர்மாம்ப³ரம் முண்ட³மாலம் ப்ரியம் ஶங்கரம் ஸர்வநாத²ம் ப⁴ஜாமி ॥ 4॥

ப்ரசண்ட³ம் ப்ரக்ருʼஷ்டம் ப்ரக³ல்ப⁴ம் பரேஶம் அக²ண்ட³ம் அஜம் பா⁴நுகோடிப்ரகாஶம் ।
த்ரய: ஶூல நிர்மூலநம் ஶூலபாணிம் ப⁴ஜேঽஹம் ப⁴வாநீபதிம் பா⁴வக³ம்யம் ॥ 5॥

கலாதீத கல்யாண கல்பாந்தகாரீ ஸதா³ ஸஜ்ஜநாநந்த³தா³தா புராரீ ।
சிதா³நந்த³ ஸந்தோ³ஹ மோஹாபஹாரீ ப்ரஸீத³ ப்ரஸீத³ ப்ரபோ⁴ மந்மதா²ரீ ॥ 6॥

ந யாவத்³ உமாநாத²பாதா³ரவிந்த³ம் ப⁴ஜந்தீஹ லோகே பரே வா நராணாம் ।
ந தாவத்ஸுக²ம் ஶாந்தி ஸந்தாபநாஶம் ப்ரஸீத³ ப்ரபோ⁴ ஸர்வபூ⁴தாதி⁴வாஸம் ॥ 7॥

ந ஜாநாமி யோக³ம் ஜபம் நைவ பூஜாம் நதோঽஹம் ஸதா³ ஸர்வதா³ ஶம்பு⁴ துப்⁴யம் ।
ஜரா ஜந்ம து:³கௌ²க⁴ தாதப்யமாநம் ப்ரபோ⁴ பாஹி ஆபந்நமாமீஶ ஶம்போ⁴ ॥ 8॥

ருத்³ராஷ்டகமித³ம் ப்ரோக்தம் விப்ரேண ஹரதோஷயே ।
யே பட²ந்தி நரா ப⁴க்த்யா தேஷாம் ஶம்பு:⁴ ப்ரஸீத³தி ॥

॥  இதி ஶ்ரீகோ³ஸ்வாமிதுளஸீதா³ஸக்ருʼதம் ஶ்ரீருத்³ராஷ்டகம் ஸம்பூர்ணம் ॥

|| ŚRĪ RUDRĀṢṬAKAṂ ||

namāmīśamīśāna nirvāṇarūpaṃ vibhuṃ vyāpakaṃ brahmavedasvarūpam ।
nijaṃ nirguṇaṃ nirvikalpaṃ nirīhaṃ cidākāśamākāśavāsaṃ bhaje'ham ॥ 1॥

nirākāramoṃkāramūlaṃ turīyaṃ girā jñāna gotītamīśaṃ girīśam ।
karālaṃ mahākāla kālaṃ kṛpālaṃ guṇāgāra saṃsārapāraṃ nato'ham ॥ 2॥

tuṣārādri saṃkāśa gauraṃ gabhīraṃ manobhūta koṭiprabhā śrī śarīram ।
sphuranmauli kallolinī cāru gaṅgā lasadbhālabālendu kaṇṭhe bhujaṅgā ॥ 3॥

calatkuṇḍalaṃ bhrū sunetraṃ viśālaṃ prasannānanaṃ nīlakaṇṭhaṃ dayālam ।
mṛgādhīśacarmāmbaraṃ muṇḍamālaṃ priyaṃ śaṃkaraṃ sarvanāthaṃ bhajāmi ॥ 4॥

pracaṇḍaṃ prakṛṣṭaṃ pragalbhaṃ pareśaṃ akhaṇḍaṃ ajaṃ bhānukoṭiprakāśam ।
trayaḥ śūla nirmūlanaṃ śūlapāṇiṃ bhaje'haṃ bhavānīpatiṃ bhāvagamyam ॥ 5॥

kalātīta kalyāṇa kalpāntakārī sadā sajjanānandadātā purārī ।
cidānanda saṃdoha mohāpahārī prasīda prasīda prabho manmathārī ॥ 6॥

na yāvad umānāthapādāravindaṃ bhajantīha loke pare vā narāṇām ।
na tāvatsukhaṃ śānti santāpanāśaṃ prasīda prabho sarvabhūtādhivāsam ॥ 7॥

na jānāmi yogaṃ japaṃ naiva pūjāṃ nato'haṃ sadā sarvadā śambhu tubhyam ।
jarā janma duḥkhaugha tātapyamānaṃ prabho pāhi āpannamāmīśa śambho ॥ 8॥

rudrāṣṭakamidaṃ proktaṃ vipreṇa haratoṣaye ।
ye paṭhanti narā bhaktyā teṣāṃ śambhuḥ prasīdati ॥

॥  iti śrīgosvāmitulasīdāsakṛtaṃ śrīrudrāṣṭakaṃ sampūrṇam ॥